සංවේදී මරණයක් සාර්ථකව විකුණා ගන්නේ කෙසේ ද? ස්වර්ණවාහිනියෙන් පාඩම් උගත් අපේ කාලයේ අත්තනගල්ල…

අත්තනගල්ල යන නම ඇසූ පමණින් අපට මතක් වන්නේ තම හිස පවා අනුන්ගේ යහපත වෙනුවෙන් දන් දුන් සිරිසඟබෝ රජතුමා පිළිබඳ පුරාවෘත්තයයි. එම පුරවරයේ නමත් පටලවාගෙන අප මේ කරන්නට තතනන්නේ බණක් කියන්නට නොවේ.

පිළිකුල් සහගත දෙයක් දැක විරෝධය පළ කරන්නට සුදුසු ක්‍රමයක් සොයමින් ලතැවෙන පිටකොටුවට වහාම සිහිවන්නේ යලට මහට පමණක් ලියවෙන බ්ලොග් එකය. එබැවින් මාතෘකාවට නිමිති වූයේ කුමක්දැයි පහත ලියැවිල්ල කියවීමෙන් පාඨකයන්ට වටහා ගත හැකි වනු ඇත.

***********************************************************

නිමිත්ත 1 –

පහත ඡායාරූපය (වෙළඳ දැන්වීම) පිටකොටුව දුටුවේ තමන්ගේ වත් පොතේ (ෆේස්බුක්) බිත්තිය (වෝල්)  මත සටහන් ව තිබියදීය.

එහි යම්කිසි වෙබ් අඩවියක නමක් සටහන්ව තිබූ බැවින් නිකමට අදාල වෙබ් අඩවිය පිරික්සා බැලීමට පිටකොටුවට සිත් විය. පහත දැක්වෙන්නේ එම වෙබ් අඩවියේ පළවී තිබූ නවතම ප්‍රවෘත්තියයි.

නිමිත්ත 2 –

” ඊයේ පෙ.ව 11 සිට http://www.attanagalla.com වෙබ් අඩවිය බිඳවැටීමකට ලක්වුනා…. මෙයට හේතු වුනේ වැඩි පාඨක ප්‍රමානයක් එකවර පිවිසීමට උත්සහ දැරීමයි….. ආරම්භක අප්‍රේල් 13 දින සිට මේ දක්වා 4500 පමණ පාඨක ප්‍රමාණයක් අපහා එක්වූ අතර ඊයේ දිනයට පමණක් 42000ක පාඨක ප්‍රමාණයක් පිවිසීමට උත්සහ දරා ඇති බව google හා facebook වාර්ථා අනුව පෙනීගියා….. වෙබ් අඩවිය පරීක්ෂන මට්ටමින් සයිබර් අවකාශයේ ඉතා අඩු ඉඩ ප්‍රමාණයක් මිලදීගෙන ආරම්භකල අතර අපහා එක්වූ පාඨක ප්‍රමාණය එයට දරාගත නොහැකිවුනා…. නමුත් අප තාක්ෂණ කණ්ඩායම දැඩි වෙහෙසක් දරා ඔබ වෙනුවෙන් නැවතත් වෙබ් අඩවිය යථා තත්වයට ගෙන ආ අතර නැවත මෙවන් අපහසුතාවයකට ඔබ පත් නොවන බවට ව්‍යාපෘති කළමණාකරු සහතිකවෙයි. ”

පසු විපරම –

මේ අනුව අදාල වෙබ් අඩවියේ “ව්‍යාපෘති කළමනාකරු” ට අනුව තමන්ගේ වෙබ් අඩිවියේ හිට්ස් ගණන දිනක් දෙදිනක් තුල රොකට් වේගයෙන් ඉහළ ගොස් ඇතත් එයට හේතුව කුමක්දැයි පැවසීමට තරම් කළමනාකරුගේ  දිව නොනැමෙන් බවක් අපට නිකමට වගේ පෙනී යයි.

දැනටමත් බුද්ධිමත් පාඨකයන්ට නම් එයට හේතුව අවබෝධ කර ගැනීමට හැකියාව ලැබී ඇතැයි අප විශ්වාස කරමු. මන්ද ඉහත වෙළඳ දැන්වීම ලියා ඇති ආකාරයම අතිශය ප්‍රාථමික හා ජුගුප්සාජනකය. ඛේදජනක ඉරණමකට ගොදුරුවූ අහිංසක දරුවාගේ මරණය විකුණාගෙන කෑමට අවශ්‍යම වූවා නම් මීට වඩා ශිෂ්ඨ ආකාරයට එය කළ නොහැකි වූයේ මන්දැයි පිටකොටුවට ඇතිවන්නේ සාධාරණ කළකිරීමක් නොවේද? එය විකුණාගෙන කෑවා මදිවාට එම මාකටින් පාර සාර්ථකවූ බවට පාරම්බෑම කෙතරම් මානුෂික ද?

අප මේ ජීවත්වන්නේ තමන්ගේ බිරිඳ, දරුවන් හෝ ළමයින්වද විකුණාගෙන කන ආකාරයේ සමාජයක් බවට දැනටමත් පරිවර්තනයවී ඇති හෝ පරිවර්තනය වෙමින් පවතින බව සමාජයකය. ස්වර්ණවාහිනී/සිරස වැනි තෝරුන් මෝරුන්ද එසේ කරත් නම් මේ දෙකේ පහේ වෙබ් අඩවි කාරයන් එසේ කිරීම ගැන ළතැවන්නේ කුමටදැයි බුද්ධිමත් පාඨකයකු ප්‍රශ්න කලොත් පිටකොටුවට කටඋත්තරත් නැත. මන්ද වමනය කිරීමට ඇති අකමැත්ත නිසා දැන් නොබලන නමුත් ස්වර්ණවාහිනියේ පෙන්වන ලයිව් ඇට් එයිට් නැමැති පුවත් වැඩසටහනේ (ටෙලිනාට්‍යයේ) නිවේදිකාව (නිළියද) මේ පුවත රඟදක්වා ඉදිරිපත් කරන්නට ඇති (ඔළුව ඇලකරමින් කට ඇද කරමින් නාහෙන් අඬමින්) ආකාරය උපකල්පනය කර ගැනීම පිටකොටුවට අපහසු නොවන බැවිනි.

එනිසා මෙය ලියන වෙලාවේ ඇතිවූ ජුගුප්සාව නිසා ලියනවා මිස මේවා ලිවීමෙන් පලක් නැති බව පිටකොටුව ද දන්නා අතර පාඨකයන්ගේ කාලය කා දැමීමක් සිදු වූවා නම් බලවත් කණගාටුව පළ කර සිටිමු.

Posted in Uncategorized | ප්‍රතිචාර 3

සෝමා එදිරිසිංහ නැවතත් නිරුවතින් !!!!!!!!!!!!!!!

ගොසිප් 9 හි පළවූ මේ පුවත ට පිටකොටුව ද කොමෙන්ටුවක් එක් කලේය. පහත දැක්වෙන්නේ ඒ කොමෙන්ටුවයි.

—————————————————————————–

ඇත්තටම මේක ලංකාවේ මාධ්‍යවල ඉන්නා මාධ්‍යකරුවන් කියා ගන්නා පුද්ගලයන්ගේ නිරුවත පෙන්වන හොඳ උදාහරණයක්. මම හිතන විදියට මේකට නම් සෝමා එදිරිසිංහට බැනලා වැඩක් නෑ. මෝඩ තකතීරු මාධ්‍යකරුවන් කරන හැම වැඩකටම ඒ ගෑණු මනුස්සයා පලි නෑ. එයාට වැදගත් එයාගේ එකවුන්ට් එක ගාණට පිරෙනවාද කියන එක විතරයි. මේ වගේ තකතීරු වැඩ ගැන එයා සමහරවිට දන්නෙවත් නැතුව ඇති. කොහොම වුනත් මේ වගේ තකතීරු වැඩවලින් තමන්ගේ පොකට් එක පුරවගෙන ජනසරණ කියලා රෝද පුටු බෙද බෙදා ගියාට වෙන පිනක් නෑ. මොකද අධාර්මිකව උපයපු ධනය නිසා.

කජු පැකට් දෙකේ උපරිම ගාණ රුපියල් දෙදාස් පන්සීයක් කියමු. දෙදාස් පන්සීයක හොරකමක් ගැන ප්‍රසිද්ධ රූපවාහිනී මාධ්‍යයක ඔහොම අඬබෙර ගසා පෙන්වීම කොතරම් දුරට සාධාරණද? හොරකම වැරදි බවට කිසිම සැකයක් නෑ. නමුත් පිටකොටුව හිතන්නේ මේ සිද්ධියේදී වෙළඳසල් සේවකයා විසින් අදාල යුවලට කණට ගැසීමෙන් ලබා දුන් දඬුවමට වඩා දහස් ගුණයක දඩුවමක් ස්වර්ණවාහිනියේ සීතල කාමරවලටවී ඔවුන්ට ගල් ගැසූ ශුද්ධවන්ත මාධ්‍යකරුවන් විසින් ලබා දී ඇති බවයි.

මළ ගෙවල්වල කාන්තාවන් කෙහෙවලු කඩාගෙන අඬාවැටෙන ආකාරය විකුණන් කන මේ මාධ්‍ය ආයතනය රටේ සිදුවන මිලියන බිලියන ගණන් වටිනා වංචාවන් පසුපස සිටින ටයිකෝට් කරුවන් ගැන කෙළ බිඳුවක් හලා ඇද්ද? මොවුනගේ “ගවේෂණාත්මක” මාධ්‍ය කලාව යොමු වන්නේ මෙවැනි තුට්ටු දෙකේ ප්‍රවෘත්ති කෙරෙහි පමණද? ජාතික ඉතිරිකිරීමේ බැංකුවේ තැන්පත් කර ඇති දුප්පත් ජනතාවගේ රුපියල් වලින් මිලියන ගණන් සූදු කෙළින ලද අගවිනිසුරුවරියගේ සැමියා ගේ රෙදි මෙහි සිටින තරුණ යුවලගේ රෙදි ගැලවූ ආකාරයට ගැලවීමට තබා ඒවා ගැන වචනයක් දෙඩීමටවත් මේ ඊනියා මාධ්‍ය වෙදීන් ගේ දිවවල් නැමෙනවාද?

මේ මාධ්‍ය භාවිතය ගැන පිටකොටුවටත් කීමට යමක් ඇත :

තුක් නොදකින් !!!!!!!!!!!!!!!!!

Posted in Uncategorized | ප්‍රතිචාර 8

ඉතිපිසෝ ගාථාව අපේ ශෛලියට අනුව හඬ මුසු කර නව පරපුරට ගෙනියනවා – ඩැඩී නායක ගයාන් රිද්ම අතිරේකයට කියයි

ගොසිප් මල්ලීගේ ලිපියක පිටකොටුව පළකල කොමෙන්ටුවකි.

******************************************************************

ඇත්තටම ජයමංගල ගාථා කියන්නේ ලංකාවේ මිනිස්සු මංගල අවස්ථාවලදී පිළිවෙලකට ගරුත්වයකින් යුතුව ගායනා කරන ගාථා විශේෂයක්. ඒවගේම භවතු සබ්බ මංගලම් කියන්නේ කෙනෙකුට ආශිර්වාද කරන්න බොහොම විශ්වාසයකින් කියනු ලබන ගාථාවක්. ඒවා අහනකොට ඕන කෙනෙක්ගේ සිතේ පහන් හැඟීමක් ඇතිවෙනවා.

ඒවා ට්‍රිප් යනකොට කියන්න, ලව් සින්දු අස්සේ ඔබ්බවන්න සුදුසු නැති බව මීහරක් මොළයක් නොතිබෙන ඕන එකෙකුට තේරෙනවා. මේ ජාතියක්, ජන්මයක්, සංස්කෘතියක්, සභ්‍යත්වයක් නැති, කකුල්වලට සින්දු කියන එක තමයි කලාව කියලා හිතන් ඉන්න අය නම් ඊළඟ පාර පන්සිල් කියන එකත් රැප් සින්දුවක් අස්සට ඔබ්බවලා ගැහුවත් අපට පුදුමයක් නෑ.

අඩුම ගානේ අර සමහර විෂුවල්වල තියෙනවා වගේ, මේකේ ගාථා කොටස යනකොට මියුසික් අඩුකරලා ඒක හොඳට ඇහෙන විදියට ප්ලේ කරලා ආයෙත් සින්දුව පටන් ගත්තා නම් අඩුම ගානේ ඒකට ගරු කිරීමක් හරි පේනවා. සමහර සින්දුවලට මේ වගේ දේවල් යොදා ගනිද්දි ඒ වගේ සභ්‍ය ලෙස යොදා ගත්තු අවස්ථා අපි දැකලා තියෙනවා. ඒත් මේකෙ තියෙන්නේ එකෙක් උණ විකාරෙන් වගේ ගාථා කියද්දී තවත් එකෙක් ඒ සද්දේ මැකන්න ගිටාර් ගගහ සින්දු කියනවා වගේ විකාරයක්. මෙතන බලන්නකෝ ගාථා දෙකම “නැඟලා යනකොට” මේ හරක් පැටව් ගිටාර් පාට් එක අල්ලලා දෙන අපූරුව.

අපේ සංස්කෘතියේ තියෙන වටිනා උරුමයන් මේ විදියට කාලා දානකොට, ඒවාට අපහාස කරනකොට ඒවට විරුද්ධව බලධාරීන්ගේ ඇස් ඇරීම ගැන තමයි හරි නම් අපි සතුටු වෙන්න ඕනේ.

අඩුම ගානේ තව මිනිහෙක් ගරුත්වයෙන් සලකන දෙයක් තුට්ටුවට දාලා වැඩ කරන්න වටින්නේ නෑ කියන සරල දේවත් නොතේරෙන මේ මීහරක් අතේ තමයි අපේ රටේ අනාගත කලාව තියෙන්නේ කියලා හිතෙනකොටත් සංසාරේ කලකිරෙනවා.

මේවට විරුද්ධවීම අන්තවාදයක් කියලා උඩ කොමෙන්ට් කරපු අපේ “ලිබරල් මතවාදීන්” ගැන අපට තියෙන්නේ කණගාටුවක්. උන්ගෙ ගෑණු අල්ලපු ගෙදර මිනිස්සු එක්ක බුදිය ගනිද්දිත් මුන් අනේ ඒකට මොකද, ලිංගික නිදහසනේ කියලා පාඩුවේ ඉන්නවා ඇති.

**න යක්කු.

Posted in Uncategorized | Tagged , , , , , , , , , , , , , | ප්‍රතිචාර 20

ජනාධිපතිගේ අණින් මර්වින් සිල්වා අත්අඩංගුවට ???????????

අවසානයේ සියළු පව් මර්වින් සිල්වාගේ ගිණුමට බැර විය. මෙතෙක් කල් ඒ සියළු ජඩකම්, මැරකම්, බලුවැඩ සඳහා ආශිර්වාදය හා රැකවරණය සැපයූ නායකයන් දෑත පිස දමා ගෙන ඇත. 

ළඟදීම එළඹෙන සතියක සති අන්ත පුවත්පත්වල ඊනියා සතියේ දේශපාලන විග්‍රහයේ විහිළුවේ * මෙසේ පල වනු ඇත.

” මර්වින් සිල්වා ඇමතිතුමා මේ දිනවල දේශපාලන කරලියේ ඉමහත් කථාබහට ලක්වන චරිතයක් වී තිබේ. ඇමතිවරයාගේ මේ හැසිරීම් සම්බන්ධව ජනාධිපතිතුමා කෝපයට පත්වී ඇති බවක් අරලියගහ මන්දිරයේ උදෑසන කෑම මේසයට වාඩිවූ ඇමතිවරුන්ට පෙනෙන්නට තිබුනි. “බලන්නකෝ මේ මනුස්සයා කරලා තියෙන වැඩ. මටත් කොලේ වහලනේ කරලා තියෙන්නේ. මේ වගේ මිනිස්සුන්ට මගෙන් සමාවක් නෑ” ”

ඊටත් පස්සේ සතියේ මෙහෙම වැටුනත් පුදුම වෙන්න දෙයක් නෑ.

“මර්වින් සිල්වා ඇමතිවරයා විසින් සිදුකර ඇතැයි කියන දූෂිත ක්‍රියා ගැන ආරංචිවූ ජනාධිපතිතුමා විසින් විනය කමිටුවක් පත් කර ඔහුව ආසන සංවිධායක ධූරයෙන් හා ඇමති ධූරයෙන් නෙරපීමට ක්‍රියාකිරීම පසුගිය සතියේ දේශපාලන ලෝකයේද, රටේද ඉමහත් කථාබහට ලක්වූ සිදුවීමක් විය. මර්වින්ගේ මේ ක්‍රියාවන් නිසා රජයේ සංවර්ධන ගමන පිළිබඳව ඇති ජනප්‍රසාදයද අඩාල වන බව ආණ්ඩු පක්ෂයේම බොහෝ නායකයන් විසින් ජනාධිපතිතුමාට පැමිණිලි කර තිබුනි. “බලන්නකො තාත්තේ මේ මනුස්සයා කරන වැඩ නිසා අපිටවත් පාරේ බැහැලා යන්න බෑනේ” නාමල් රාජපක්ෂ මන්ත්‍රීතුමා අරලියගහ මන්දිරයේ බණ්ඩක්කා වගාව නරඹමින් සිටි ජනාධිපතිවරයාට පවසා තිබුනේ තවත් ඇමතිවරුන් පිරිසක් ඉදිරියේදීය. ජනාධිපතිවරයා විසින් මර්වින්ට එරෙහිව ගත් පියවර රටේ බොහෝ දෙනාගේ පැසසුමට ලක්විය.”

*******************************************************************

 * සෑම සතියේම සති අන්ත පුවත්පත්වල සතියේ දේශපාලන කථාබහ, සතියේ දේශපාලන විග්‍රහය, සතියේ දේශපාලන ලෝකය ආදී විවිධ නම් වලින් හඳුන්වමින් පිටුවක් පුරා පළ කෙරෙන ලිපියකි. පුදුමය වන්නේ විවිධ පුවත්පත් වල විවිධ ලේඛකයන් විසින් ලියා ඇති වුවද මේ ලිපිය ෆොටෝ කොපි ගැසූ ලිපියක් තරමටම සමාන වීමයි. ඊටත් වඩා පුදුමයක් වන්නේ දෙදෙනෙකු අතර දුරකථනයෙන් “රහසිගතව” සිදු කරන ලදැයි කියන සංවාදයන් පවා දෙබස් සහිතව එකම විදියට පළවීමය.
Posted in Uncategorized | Tagged , , , , , , , , , , , , , , , , , , , , , , | ප්‍රතිචාර 3

ජැක් ගැසීම, ජැක් වීම‍:, කාන්තාවට හා පුරුෂයන්ට එරෙහි ප්‍රචණ්ඩත්වය සහ අතුරු කථා

(පිටකොටුවගේ බ්ලොග් කෙරුවාවට ඇණයක් හෙණයක් වැදී තිබුනත් බ්ලොග් කියවන එක නම් පිටකොටුව අතහැර දමා නැත. එහි ප්‍රතිඵලයක් ලෙස මේ දිනවල උණුසුම්ව නැඟලා යන මාතෘකාවක් කොටුවගේ නෙත ගැටුන අතර විශේෂයෙන් මෙන්න මේ බ්ලොග් පෝස්ට් එක සහ එහි කොමෙන්ට් ටික කියවීමෙන් පසු පිටකොටුවද ෆෝම් විය. අවසාන ප්‍රතිඵලය වූයේ මෙම පෝස්ට් එක ලියවීමය.)

ජැක් ගැසීම හෝ ජැක් වීම * ප්‍රධාන මාතෘකාවක් කර ගෙන ඇරඹුන අදාල සංවාදයන් ස්ත්‍රී පුරුෂ සුරතාන්තය, ස්වයං වින්දනය, ලිංගික තෘප්තිමත් බව ආදරය ආදී එකී නොකී අන්ත රාශියක් කරා අඩු වැඩි වශයෙන් විකාශනය වීමක් දක්නට ලැබුනි.

අදාල සංවාදයේදී එක්තරා බ්ලොග්කාරියක් බ්ලොක්කරුවන් රැසකගේ නිර්දය විවේචනයට ලක්වීමත් එහි ප්‍රතිඵලයක් ලෙස ඇය විසින් ඇයගේ බ්ලොගය ආරාධිතයන්ට පමණක් සීමාවීමත් එහි අතුරු කථාවක් ලෙස සටහන් කල හැකිය.

ජැක් ගැසීම හා ජැක් වීම සම්බන්ධයෙන් අපේ රටේ පොදු ප්‍රවාහන සේවාවල නිරන්තරයෙන් ගමන් කරන අපටද අත්දැකීම් රැසක් ඇත. එහෙත් මෙහිදී අපගේ බලපොරොත්තුව වන්නේ ජැක් ගැසීම සම්බන්ධයෙන් වන අත්දැකීම් මත පාදකවී මනෝ මූලික නිගමනවලට එළඹීම නොව එහි සමාජමය පැතිකඩ හා වලංගුභාවය පිළිබඳව අදහසක් සාකච්ඡා කිරීමය.

පොදුවේ ගත් කල ජැක්කරණය (ජැක් ගැසීම හා ජැක් වීම) යනු ප්‍රාථමික ලිංගික හැසිරීමකි. අදාල සංවාදයේදී බොහෝ දෙනා ඉදිරිපත් කරන ලද  “දෙන්නා කැමති නම් අපිට මොකටද” යන තර්කය අතිශයින් බොළඳ එකකි. ඒ තර්කයට අනුව නම් පොදු ප්‍රවාහන සේවයකදී කාන්තාව කැමති නම් පිරිමියා විසින් ඇයගේ ජංගිය ඇතුලට අත දමාගෙන ගියාටද අනෙක් මඟීන් කළබල විය යුතු නැත. පොදු ප්‍රවාහන සේවා වලදී ලිංගික කටයුතු වල යෙදීම අපුල දනවන හා සමාජයෙන් බැහැර කල යුතු දෙයක් බවට විවාදයක් නැත. කෙසේ වෙතත් ජැක්කරණය ලාංකීය සමාජයේ අතිශය සුලබ සංසිද්ධියක් බවට පත්වීම හා බැඳුනු සමාජමය කාරණාවන් පිළිබඳව සමහර බ්ලොග්කරුවන් විසින් ඉදිරිපත් කරන ලද විග්‍රහයන් සමඟ අපි ද එකඟ වෙමු. එහෙත් ජැක්කරණය යනු ඉදිරි පරිණාමයක් බලාපොරොත්තුවන සමාජයක් විසින් බැහැර කළ යුතු දෙයක් බවට වන සරල සත්‍යය එමඟින් යටපත් කර දැමීමට නොහැක. “සමහර” ජැක් වලට කාන්තාවන් කැමති වීමේත්, “සමහර” ජැක් වලට අකමැතිවීමේත් කරුණ හුවා දක්වමින් ජැක්කරණය සාධාරණීකරණය කල නොහැක.

මෙසේ ජැක්කරණය සාධාරණීකරණය කිරීමට බොළඳ තර්ක ඉදිරිපත් කිරීම මඟින් සිදුවන්නේ එයට එරෙහි සමාජමය ප්‍රතික්‍රියාව දුබල කිරීමකට ලක්වීමය. අප විසින් නිරීක්ෂණය කරන ලද අන්දමට ඉතා විශාල කාන්තාවන් පිරිසක් දිනපතා මෙමඟින් අතවරයට ලක්වන අතර ඒ සම්බන්ධව විරෝධය දැක්වීමට යාමෙන් අදාල කාන්තාවන් තවදුරටත් අපහසුතාවයට පත්වීම වන තරමටම එය අතිශයින් සාමාන්‍යකරණයවී ඇත.

බ්ලොග්කරණයේ යෙදෙන ලාංකීය සමාජයේ උගත් යැයි පිළිගත් කොටසට අයත් වන පිරිමින් බහුරතයක්ද මෙම ක්‍රියාව සාධාරණීකරණය කරමින් හෝ එය නොසලකා හැරිය යුතු දෙයක් ලෙස සැලකමින් කථා කිරීම අතිශයින්ම කණගාටුදායක තත්වයකි. බොහෝ අදහස් දැක්වීම් වලින් පෙනී ගියේ තමන්ගේ පුද්ගලික අත්දැකීම් මත පමණක් පදනම් වී පොදුවේ ගත් කල එමඟින් අසාධාරණයට / අතවරයට / පීඩාවට පත්වන කාන්තාවන් ගැන නොසලකා හැර ඔවුන් කථා කර ඇති බවයි. ජැක් වීමට ලක්වීම මඟින් යම් කිසි කාන්තාවන් පිරිසක් තෘප්තිය ලබන්නා සේම එවැනිම විශාල කොටසක් එමඟින් අතවරයට භාජනය වන බව ඔවුන් අමතක කර දමා ඇත.

අනෙක් අතට කාන්තාව එයට කැමති දැයි, නැත්දැයි යන්න දැන ගැනීම සඳහා ද එක්තරා දුරකට එම ක්‍රියාවෙහි නිරත විය යුතු බැවින්, එම ප්‍රතික්ෂේප කරන අවස්ථාව දක්වා ඔවුන් අතවරයට ලක් කර, කාන්තාව අකමැති අවස්ථාවේදී  ස්වේච්ඡාවෙන් ඉන් ඉවත්වීමට පිරිමින් වෙත කුමන පනතකින් කුමන ආකාරයට නීතිමය නිදහසක් දී ඇත්දැයි දැන ගැනීමට අපිත් කැමතිය.

සඳහන් කළ යුතු විශේෂ කාරණයක් වන්නේ කාන්තාවන් හැරුණු කොට පොදු ප්‍රවාහන සේවයේදී ලිංගික තෘප්තියක් ලැබීම විනෝදාංශයක් කරගත් පිරිස නිසා ළමයින් හා තරුණ පිරිමි ළමුන් රාශියක් ද එවැනිම අතවරවලට ලක්වන බවයි. බොහෝ විට ඔවුන් ගැන සමාජයෙන් කිසිම සංවේදී බවක් එල්ලවන්නේ නැත. අතවරවලට ලක්වන්නේ කාන්තාවන් පමණක් බව අප සමාජයේ බහුතරයකගේ මතයයි.

මෙවැනි දෑ මුලිපුටුනා දැමීම ලංකාව වැනි දියුණුවෙමින් පවත්නා සමාජයක් පවතින රටක අතිශයින් අපහසු කටයුත්තක් බවට සැකයක් නොමැති අතර අපගේ අදහස වන්නේ එමඟින් අතවරයට ලක්වන පිරිස අවම කර ගැනීම සඳහා එයට විරුද්ධව සමාජමය මතයක් ඇති කිරීමයි. එය ඇති කිරීමට කල යුතු සටන අතිශයින්ම අසීරු බව පෙනී යන්නේ ඉහත දැක්වූ ආකාරයට උගත් යැයි සම්මත සමාජයේ පිරිස්ද මෙවැනි අපචාරයන් අනුමත කරමින් කථා කරන වටපිටාවක අප ජීවත්වීම නිසාය.

*******************************************************

එහි අතුරු ප්‍රතිඵලය වූ සංවාදයට ලක්වූ සටහන්වලින් කිහිපයක් රචනා කරන ලද බ්ලොග්කාරියව පිරිමි බ්ලොග්කරුවන් පිරිසක් විසින් ඩීඩොස් ** ඇටෑක් එකක් කර අඩපණ කර දැමීමට තැත් කිරීමද අතිශයින්ම පිළිකුල් සහගත පුරුෂෝත්තමවාදී ක්‍රියාවකි. එතරම් පහර දීමකට ලක්වීමට තරම් “අපරාධයක්” එම බ්ලොග්කාරියගේ අදාල සටහන්වල පිටකොටුව විසින් නොදකින ලද අතර මතවාදී ස්වරූපයකට එහා ගිය පළිගන්නා ස්වරූපයකින් අදාල බ්ලොග්කරුවන් හැසිරී ඇති බව මැදිහත්ව කරුණු නිරීක්ෂණය කළ ඕනෑම අයෙකුට පෙනී යයි.

* ජැක් ගැසීම – පොදු ප්‍රවාහන සේවයක ගමන් කරන කාන්තාවකගේ / පිරිමියකුගේ ශරීරය ස්පර්ශ කිරීමෙන් හෝ තමන්ගේ ශරීරය ඔවුන්ට ස්පර්ශ වීමට සැලැස්වීමෙන් ලිංගික තෘප්තියක් ලබා ගැනීම

ජැක් වීම – ඉහත ක්‍රියාවට ලක්වීම

** DDOS – Distributed Denial Of Service – සංවිධානය වූ හැකර්වරු රාශියක් විසින් ස්ථාන  රාශියකින් විශාල දත්ත ප්‍රමාණයක් එකවර යොමු කර වෙබ් අඩවියක් අකර්මන්‍ය කිරීම හැඳින්වීමට මේ යෙදුම පරිගණක විද්‍යාවේදී භාවිතාවේ. (ඉහත භාවිතා කර ඇත්තේ වටකර පහරදීමක් යන තාක්ෂණික නොවන අරුතිනි)

********************************************************

(කොමෙන්ට් කිරීමට කිසිදු වාරණයක් නැති අතර කොමෙන්ට් වලට පිළිතුරු දීම පිළිබඳව සහතික විය නොහැකි බව පමණක් කාරුණිකව පාඨකයන් වෙත මතක් කරමි )

Posted in Uncategorized | Tagged , , , , , , , , , , , , , | ප්‍රතිචාර 12

විෂම ලිංගිකයන්ගේ අයිතිය තහවුරු කරනු !!!!!!!

සමලිංගිකයන්ට පෙර විෂම ලිංගිකයන්

රිවිර පත්තරකාරයා පළ කල හෙඩ් ලයින් එකක් නිසා නැවතත් ගේ සංවාදයක් ඇතිවී තිබේ. ඊක්වල් ග්‍රවුන්ඩ්ස් නැමැති එන්.ජී.ඕ. එක හෙමින් සැරේ දීගෙන යන ගේමක් මීට පාදක වී ඇත. මේ සම්බන්ධව ගොසිප් මල්ලි පළ කල ලිපියකට පිටකොටුව කොමෙන්ට් එකක් ලීවේය. පහත දැක්වෙන්නේ එම කොමෙන්ටුවයි.

සමලිංගිකත්වය කියන්නේ මානසික විකෘතියක්. ඒක එහෙම නෑ කියලා සමලිංගිකත්වය නීතිගත කලේ බටහිර රටවල්වල දේශපාලකයෝ සමලිංගිකයන්ගේ ඡන්ද ටික කඩා ගන්න. මොකද ඒ රටවල්වල බරපතල ගේ ජනගහනයක් ඉන්නවා ධනවාදී ජීවන ක්‍රමයේ පුද්ගල ගැටළු නිසා. ඉතින් මේ දේශපාලනික මතයට බටහිර වෛද්‍යවරුන්ටත් අන්තිමේ එකඟ වෙන්න වුනා. මොකද ප්‍රොයිඩියානු මනෝ විද්‍යාවෙන් මේක විකෘතියක් කියලා ඔප්පු කරගන්න ඔවුන් අසමත් වෙච්ච නිසා. ඉතින් ඒක එහෙම වුනා කියලා සමලිංගිකත්වය කියන්නේ මානසික විකෘතියක් කියන සත්‍යය යටපත් කරන්න බෑ.

ලංකාව වගේ රටවල්වල මේ ගේ සංස්කෘතිය බලහත්කාරයෙන් ප්‍රෙමෝට් කිරීමේ ප්‍රතිථලය වෙන්නේ ඒ මතින් ලොකු සමාජ ගැටළු ඇතිවීම හා කෘතිම ගේ ජනගහනයක් බිහිවීම. මේක හරියට පොකට් ගැහීම නීතිගත කලොත් පොකට් කාරයෝ වැඩි වෙනවා වගේ සීන් එකක්. ඇත්තටම කළ යුත්තේ ගේ ජනගහනය පිළිකුල් නොකර (මොකද සමලිංගිකත්වය කියන මානසික විකෘතියට බෙහෙතක් මෙතෙක් හොයාගන්න බටහිර මනෝ විද්‍යාව හෝ වෙනත් මනෝ විද්‍යාවක් අසමත්), එහෙත් සමලිංගික ක්‍රියාවල යෙදීම අධෛර්යට පත් කිරීම. මෙහිදී විශේෂයෙන් සඳහන් කළ යුත්තේ ලිංගික ක්‍රියාවල යෙදීමට නොහැකිවීම නිසා මිනිසුන් මරණයට පත් නොවන බව. නමුත් මාර්ග අනතුරුවලින් දිනකට ලංකාවේ 10 – 15 වල පල්ලට යනවා. (ඒත් මොන එන්.ජී.ඕ. කාරයෙක්වත්, දේශපාලකයෙක්වත් මාර්ග අනතුරු අඩු කර ගන්න් කිසිම පබ්ලික් කැම්පේන් එකක් ඕගනයිස් කරනවා පේන්න නෑ)

මේක කිව්ව ගමන් සමලිංගිකයන්ගේ මානුෂික අයිතිවාසිකම් උල්ලංඝනය කලා කියලා පිරිසක් කඩා පනින්න පුළුවන්. නමුත් සත්‍යය තමයි එහෙම බැලුවොත් සමලිංගිකයන්ට වඩා විෂම ලිංගිකයන්ගේ මානුෂික අයිතිවාසිකම් ලංකාවේ සමාජය විසින් බරපතල ලෙස උල්ලංඝනය කර ඇති බව. මොකද විෂම ලිංගිකයන් බහුතරයකට නිදහසේ හැසිරීමට හෝ ලිංගික ක්‍රියාවල නිරතවීමට (විවාහකයන්ට හැර) ලංකාවේ සමාජය විසින් ඉඩකඩ සලසා දී නෑ. නැත්නම් ඔවුන්ට එසේ කිරීමට නොහැකිවනසේ සමාජ පීඩනයක් දරුණුවට එල්ල කරලා තියෙනවා. ඒ සීමා ඉක්මවා යන්න හැකියාව තියෙන අය සමාජයේ තාම සිටින්නේ සුළුතරයක් පමණයි.

ඉතින් එහෙම බැලුවොත් මුලින්ම කල යුත්තේ විෂම ලිංගිකයන්ගේ ඊනියා මානුෂික අයිතිවාසිකම් තහවුරු කරලා ඉන්න එක. ඉන් පස්සේ පුළුවන් මානසික විකෘතියකට ලක්වුනු ජන කොටසක් වන සමලිංගිකයන්ගේ අයිතිවාසිකම් තහවුරු කිරීම ගැන කථා කරන්න.

ගේ ප්‍රොමෝෂන් ගැන පිටකොටුවගේ කලින් ලිපියක් : පාරට පේන්න උජාරුවෙන් ආප්ප ගැසීම

Posted in Uncategorized | Tagged , , , , , , , , , , , , , , , , , , , , , , , | ප්‍රතිචාර 12

SOමා නැවත වරක් නිරුවත්වේ !!!!!!!!!!!!

SOමා නැවත වරක් ප්‍රසිද්ධියේ සළුපිළි ගලවා නිරුවත් වී සිටී. මේ සම්බන්ධයෙන් ජනමතයක් ඇති කර මේ තිරශ්චීන මාධ්‍ය මුදලාලිලාගේ නිරුවත ලොවට පෙන්වීම ගැන මෙවර නම් ගොසිප් මල්ලිලාට පිටකොටුවගේ ගෞරවය හිමිවේ.

http://www.gossiplankanews.com/2011/09/ruwanwelle-sobitha-season-2.html

http://www.gossip9.com/2011/09/blog-post_19.html

මේ රටට ජනමාධ්‍ය අමාත්‍යාංශයක් තිබෙන්නේ මොකටදැයි අපට ඇත්තේ බලවත් ගැටළුවකි. අරක්කු දැන්වීම් වසා දමන්නට පුළුවන් ඒ ඇත්තන්ට මේ මාධ්‍ය වසලයන්ගේ ක්‍රියාකාරකම් නැවැත්වීමට නොහැකි ඇයි දැයි අපට නොතේරේ. අඩුම ගානේ ඉලෙක්ට්‍රොනික මාධ්‍යවලින්වත් මේ වශී ගුරුකම්, පිල්ලි ඇරීම් ආදී දැන්වීම් විකාශය තහනම් කිරීමට ගැසට් නිවේදනයක් නිකුත් කිරීමට නොහැකිවී ඇත්තේ එසේ කලොත් ජනතාව පාරට බසී කියා හිතාගෙන විය යුතුය.

Posted in Uncategorized | Tagged , , , , , , , , , , , , , , , , , , , , , , , , , , , | ප්‍රතිචාර 2

කාලකණ්ණි මහජන මුදල් භක්ෂකයනි, දැන්වත් සිංහල හරියට හදා දීපල්ලා !!!!!!!!!!!!

සිංහල යුනිෙක්ත නම් විගඩම අපිට හඳුන්වා දී දැන් දශකයකට පමණ කිට්ටු කාලයක් ගතවී තිෙබ්. මම ෙම් ලිපිය ටයිප් කරන්ෙන් වින්ෙඩා්ස් 7 වලය. අදාල විගඩමට සහය දැක්වීම සඳහා යයි කියමින් ෙවනම මෘදුකාංගයක් සියබස් නැමැති ෙවබ් අඩවියකින් ඉන්ස්ෙටාල් කරෙගන ස්ථාපිත කර ෙගනද අැත්ෙතමි. ඒෙහත් දැන් මං ෙම් ලියන අකුරු බලන්න. යුනිෙක්ත ෙම් අාකාරයට අවම වශෙයන් සතියකට තුන් හතර පාරක් පිස්සු ෙකලියි. සමහර ෙවලාවට ෙකාම්බු ෙලාෙවත් නැත. සමහර ෙවලාවට විතරක් ගින්දර වෙග් වැඩය.

ෙම් ඊනියා සිංහල යුනිෙක්තෙය් කවදාවත් නිවැරදි ෙවන වැරදි අැති බව අපි දන්ෙන් ෙඩානල්ඩ් ගාමිණීතිලක නැමැත්තා ඒය කියා අැති බැවින් ෙනාෙව්. අප ඒය දන්ෙන් අත්දැකීෙමනි. ෙකෙස් ෙවතත් ෙම් ෙවනුෙවන් ෙවෙහසවී සටන් කරමින්, තමන් කල වැරදි පිලිෙගන ඒය නිවැරදි කිරීමට අකමැති නිලධාරීන් හා ඊනියා උගතුන් පිරිසක් සමඟ දිගු කාලයක් සමඟ ඔට්ටු ෙවමින් සිටීම පිළිබඳව අප ඔහුට ණය ගැති ෙවමු.

වින්ෙඩා්ස් ඒකස්පී දුවන දවස්වල මුන් කිව්ෙව් මයිෙකාෙසාෆ්ට් සමාගමත් සමඟ ඒකවී ඉදිරි ෙමෙහයුම් පද්දති වල සිංහල ගින්දර වෙග් වැඩ කරන්නට හදන බවය. ඒ්ත් අෙනක් මෘදුකාංගවලව තියා මයිෙකාෙසාෆ්ට් මෘදුකාංගවලදීත් සිංහල යුනිෙක්ත තවමත් පිස්සු ෙකලියි.

ජංගම දුරකථනවලටද, ෙවනත් ෙබාෙහාමයක් ඉෙලක්ෙටානික උපකරණ වලට සිංහල යුනිෙකා්ඩ් ෙපන්නන්ෙන් ම නැති අතර ෙපන්නන ඒ්වා බහුතරයකද පිස්සු ෙකලියි. මේවාට සමහරවිට තව අවුරුදු පන්සියයක් පමණ යනතෙක් සිංහල කියවන්නට ලියන්නට බැරි වන්නට ඉඩ තිබේ.

පිටෙකාටුවට ෙත්ෙරන හැටියන ෙඩානල්ඩ් කියන්ෙන් සරල තර්කයකි. ෙම් ඊිනියා යුනිෙක්ත නිවැරදිව ක්‍රියා කිරීම සඳහා වෙනත් මෘදුකාංගවල සහය පැතිය යුතුය. ඊට හේතුවී ඇත්තේ කොම්බුවත් අකුරත් වෙන වෙනම නිර්මාණය කර ඇති බැවින් ඒවා කෘතිමව අමුණන්නට වීමයි. ඔහු යෝජනා කරන විසඳුම සරලය. එනම් භාෂාවේ සියළුම අක්ෂරයන් සඳහා වෙන වෙනම කේත නිර්මාණය කිරීමයි. එනම් හෝ සහ හ සහ හේ සහ හෙ ආදී වශයෙන් සියළුම වෙනස්වීම් සඳහා කේත සැපයීමයි. (ඒ මට තේරෙන හැටිය.ඔහු කියන්නේ එය නොවන්නටද පුළුවනි. කෙසේ වෙතත් දැනට තියෙන යුනිකේතයේ අවුලක් තියෙන බව කියන්නට ඩොනල්ඩ්ට පමණක් නොව අල්ලපු ගෙදර පොඩි එකාටද හැකිය)

බැලූ බැල්මට එය සරල සුපැහැදිලි විසඳුමකි. තමන් විසින් කල වැරදි පිළිගෙන දැන්වත් තමන් විසින් ගිල දමා ඇති අපේ මව් බාසාව නිවැරදි කර දීමට ICTA ආදී ආයතනවල සිටිනා මහජන මුදල් භක්ෂකයන් විසින් කටයුතු කරත් නම් ඔවුන්ට සතර අපායේ වැටීමෙන් වැළැකීමට කාල වේලා ඇත. නැත්නම් අනාගත පරපුරේ සාපයෙන් ඔවුන් සුන්නද්දූලි වී යනවා නොඅනුමානය.

Posted in Uncategorized | Tagged , , , , , , , , , , , , , , , , , , , , , , , | ප්‍රතිචාර 32

Channel 4 News – Sri Lanka Killing Fields – Oh my little baby Vimukthi Crying – CBK

Posted in Uncategorized | ප්‍රතිචාරයක් ලබාදෙන්න

The Best Boot Story Ever Written on සිblogsphere !!!!!!!!!!!

සිංහල බ්ලොග් අවකාශයේ මෙතෙක් ලියවී ඇති පට්ටම බූට් ස්ටෝරිය තේරීම සඳහා නාම යෝජනා කැඳවනු ලැබේ.

මෙය තනි පෝස්ට් එකක් හෝ පෝස්ට් සීරීස් එකක් විය හැකිය. (පෝස්ට් සීරීස් එකක් යනු එකම බූට් ස්ටෝරිය ඇතුලත් බ්ලොග් පෝස්ට් කිහිපයකි)

ඔබේ නාම යෝජනා (අදාල ලින්ක් ද සහිතව) කොමෙන්ටු තීරයේ සඳහන් කරන්න.

Posted in Uncategorized | ප්‍රතිචාරයක් ලබාදෙන්න